我，單身左3年。
其間我曾經都因為身邊嘅朋友開始結婚生仔而覺得好大㱘力同不安，我甚至開始質疑自己係咪有問題點解一直都遇唔到啱嘅人，而對自己嘅外表同想法失去自信心。所以有一小段情路我變得有啲despearte有啲心急，女人心急就同shopping一樣會好容易買錯野，為買而買同為結婚而拍拖一樣，為左一刻嘅衝動而勉強自己最後只係㗰錢又㗰晒自己啲時間！踏入30歲之後突然叮一聲我成個人輕鬆晒，連我自己都解釋唔到！ 亦唔再開始介意身邊嘅人結唔結婚，因為一黎好多都嫁左啦，二黎都趕唔到尾班車嘅話，不如坦然面對算啦！我決心keep my mind clear，凡事都冷靜啲，問清楚自己究竟想要啲咩先好買先好決定；亦因為”時間唔多”，我變得更愛恨分明唔再拖泥帶水，我要就會出聲唔要就快刀斬亂麻，無謂㗰大家時間。而家嘅我面對住愛情，比我喺人生任何一個時候都更勇敢。路，從來唔止一條。每個人都應該去追求唔同嘅人生價值，亦唔需要同身邊嘅人比較，唔係人結婚你就覺得自己都係時候要結婚。單身唔代表你比其他人差，我相信只係緣份末到... 愈心急只會愈傷害自己! 共勉之。 #女人是鹽
Search